Repiblik Dominikèn: “Se yon panik jeneral pou Ayisyen yo”, daprè Edwin Paraison
Pou kouwèl ye la a, Ayisyen ki rete oswa ki vle retounen nan Repiblik Dominikèn yo, ta dwe atann ak yon gwo traka anba men imigrasyon, Edwin Paraison nan Fondasyon Zile di. ” Se yon sitiyasyon ki difisil anpil”, li te di tou. “Nan Repiblik Dominikèn, Ayisyen yo ki nan sitiyasyon iregilye pa ka respire”. Direksyon Jeneral Migrasyon an apre yon dispozisyon Prezidan Luis Abinader te tanmen, entansifye mezi kont foul imigran ayisyen yo nan peyi vwazen. “Kwen aprè kwen, dispozisyon Prezidan Luis Abinader te santi nan lari kapital la, kote nou wè de plis an plis kamyon ki veye pa plizyè ajan migratè, kote gen plizyè santèn ayisyen ki te arete an flagran sou teritwa dominiken an”, te note jounal Dominiken Listen Diaro nan Madi.
Dapre Edwin Paraison, Prezidan Fondasyon Zile ki abite nan Repiblik Dominikèn, yon bò, sitiyasyon sa a swiv vizit yon gwo fonksyonè Depatman Leta Etazini nan peyi Repiblik Dominikèn ki te ofri yon don 21 milyon dola bay gouvènman Dominiken an pou jere gwoup minorite yo, enkli Dominiken-Ayisyen ki vin apatrid akòz desizyon 168-13 la.
“Li te gen yon gwo eko nan sektè nasyonalis la ki te santi li te inakseptab. Yo konsidere se yon fason pou Lèzetazini detounen sitwayen migratwa ayisyen yo nan peyi Etazini, pou Repiblik Dominikèn resevwa yo”, eksplike Paraison sou Magik 9, jou ki te madi 15 novanm 2022 a.
Yon lòt bò, prezidan Fondasyon Zile a soulinye, apèl Gran Komisyonè Nasyonzini pou Dwa Moun yo sispann depòte Ayisyen yo akòz sitiyasyon ensekirite an Ayiti a ki pa nan nechèl li “Yon deklarasyon piblik te fòmalize, Prezidans lan voye korespondans bay tout otorite konsène yo. Anmenm tan, yo pibliye yon dekrè konsènan envazyon tè nan lide pou deloje moun ki okipe tè ilegalman,” eksplike Edwin Paraison.
Yon lòt pratik chas a Lòm nan degwann Ayisyen yo nan peyi vwazen sa a te sisite anpil reyaksyon nan opinyon piblik la nan Repiblik Dominikèn. “Yon lòt bò, gen nasyonalis yo ki bat bravo epi yon lòt bò, gen yon gwoup tradisyonèl ki rete solidè ak Ayisyen yo ki reyaji nan siyen yon dokiman pou denonse dispozisyon gouvènman an”, Paraison endike. Sitiyasyon sa a tou eksplike sitiyasyon pre-elektoral nan Repiblik Dominikèn. “Pale sou Ayiti se yon pwoblèm eminan politik nan Repiblik Dominikèn. Chak fwa sektè nasyonalis yo fè sòti, gouvènman an oblije demontre li gen kontwòl migrasyon an san li pa pran an konsiderasyon sitiyasyon sekirite a ki pa sispann agrave ann Ayiti”, eksplike Edwin Paraison ki ajoute “Se panik jeneral, epi li pa nòmal,”
“Pou kounye a, mwen atire atansyon moun ki vle retounen oswa k ap viv nan Repiblik Dominikèn sitiyasyon an trè difisil. Si yon moun vini, yo ta dwe atann konplikasyon an tèm de kontwòl imigrasyon, tou depann de kote yo ap viv”, li avèti, pandan li fè referans ak yon kalite pwofil rasyal ki vize sou Ayisyen yo.